आमच्या दिवंगत प्रेमाची
असते रोजच पुण्यतिथी
दिवस मौन श्रधांजली
रात्र एकटी आसू गाळी
आमच्या दिवंगत प्रेमाखातर
भरली जंगी शोकसभा
स्वतःची स्वगत ऐकायला
प्रत्येक मीच उभा
आमच्या दिवंगत प्रेमाची
मिळणार म्हणे भरपाई
होत्या गाई थोर किती
सांगतायत हळहळणारे कसाई
आमच्या दिवंगत प्रेमानी
दिलाय एकटेपणाचा वारसा
सामोरा येऊनही हसत नाही
माझ्या ओळखीचा आरसा
आमच्या दिवंगत प्रेमाची
आठवण जाता जात नाही
येता जाता प्रत्येक क्षण
आठवून देतो नवीन काही
आमच्या दिवंगत प्रेमाला
देईन आयुष्याच सरण
माझ्याच हातून आलंय शेवटी
माझ्या प्रेमाला मरण
tumcha divangat premala aayushyacha saran devu naka plz
i love u
tumchya hatun mazya premala maran yenar nahi na?
4 god’s sake stop writing such depressing things…..
कोणत प्रेम अस दिवंगत होत असते का ? आणि दिवंगत होत असेल तर ते प्रेम कसल ?
येथे समस्त बहिरे बसतात लोक
का भाषणे मधुर तू करिशी अनेक
हे मूर्ख यांस किमपीहि नसे विवेक
रंगावरून तुजला गणतील काक